Քոլեջների լիցենզավորման գործընթացում փոփոխություններ կլինեն. կառավարության նիստում նախագիծը ներկայացրել է ԿԳՄՍ նախարար Ժաննա Անդրեասյանը։
«Լիցենզավորման կարգում տարբերակում ենք երկու տիպի լիցենզիաներ։ Մեկ լիցենզիան հնարավորություն կտա գործունեության թույլտվություն ստանալ, և այստեղ, բնականաբար, առաջին հերթին կդիտարկվեն այնպիսի կարևոր գործոններ, ինչպիսին շենքային պայմաններն են, անհրաժեշտ ենթակառուցվածքներն են, որպես ուսումնական կազմակերպություն գործելու նախապայմաններն են։ Ինչ վերաբերում է երկրորդ լիցենզիային, սա արդեն կգործի կոնկրետ որակավորման շնորհման համար, կոնկրետ ծրագրի համար։ Այստեղ շատ ավելի բովանդակային կդիտարկվեն անհրաժեշտ դասախոսական կազմի առկայությունը, կոնկրետ այդ որակավորմամբ կրթական ծրագիրն իրականացնելու համար անհրաժեշտ պայմանների առկայությունը»,- նշեց նախարարը։
