Ապօրինի գույքի բռնագանձման գործի շրջանակում հունիսի 20-ին գլխավոր դատախազություն է կանչվել ոստիկանության պետական անվտանգության գլխավոր վարչության նախկին պետ Արամ Զաքարյանը։
«Ղեկավարվելով «Ապօրինի ծագում ունեցող գույքի բռնագանձման մասին» օրենքի 16-րդ և 17-րդ հոդվածներով՝ ծանուցում եմ, որ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր»,- նշված է հրապարակման մեջ։
