Հասարակություն
«Զվարթնոց» օդանավակայանում ծառայություն չիրականացնելու լուրերը կեղծ են
11 Հունիսի, 11:21
Մամուլում տարածված տեղեկությունը, ըստ որի՝ ոստիկանության օպերատիվ աշխատակիցները զեկուցագրեր են գրել «Զվարթնոց» օդանավակայանում ծառայություն չիրականացնելու համար, չի համապատասխանում իրականությանը. Radar Armenia-ին հայտնեցին ՆԳՆ հանրային հաղորդակցության և իրազեկման վարչությունից:
«Ոստիկանությունը իրականացրել և շարունակում է իրականացնել իր առջև դրված խնդիրները։ Հորդորում ենք չտարածել չճշտված տեղեկություններ»,- նշեցին ՆԳՆ-ից։
Նշենք, որ տեղեկություն էր տարածվել, ըստ որի՝ ՆԳՆ ոստիկանության՝ մոտ 180 օպերատիվ աշխատող երեկ զեկուցագիր է գրել, որ ծառայություն չի իրականացնի «Զվարթնոց» օդանավակայանում, որը կարող է դեմ լինել Հայ առաքելական եկեղեցուն:
