ՀՀ առողջապահության նախարար Անահիտ Ավանեսյանը Ֆեյսբուքի իր էջում գրել է․
«Քննարկեցինք քնի խանգարումների, Էպիլեպսիայի և պարկինսոն հիվանդությունների բուժման արդիական ու ամենաբարդ մեթոդների ներդրումը Հայաստանում: Թեպետ վերջին տարիներին բավական առաջընթաց ունենք մասնագիտական, հետազոտական և վիրաբուժական ծառայությունների առումով, այնուհանդերձ, մեզ համար կարևոր են միջազգային փորձն ու դրանց հիման վրա լավագույն պրակտիկաները Հայաստան բերելը:
Մասնագետների հետ քննարկման այսօրվա մեր օրակարգում էր այդ հիվանդության հաղթահարման համար նոր դեղորայքների գրանցումը, կիրառումը, բուժման գործելակարգերի լրամշակումը, փորձի փոխանակման հնարավորությունները:
Նշեմ, որ էպիլեպսիայի վիրահատական բարդ միջամտությունները երեխաների շրջանում պետությունն իրականացնում է պետական պատվերի շրջանակներում, մեծահասկաների դեպքում` մասնակի փոխհատուցմամբ»:
