Հասարակություն
Պետական գնումներում կաթնամթերք կկարողանան մատակարարել վաճառք ունեցող ընկերությունները (ՏԵՍԱՆՅՈՒԹ)
Պետական գնումներում կաթնամթերք կկարողանան մատակարարել այն ընկերությունները, որոնք շուկայում որոշակի վաճառքի ծավալ ունեն. Ազգային ժողովում ասել է ՄՊՀ նախագահ Գեղամ Գևորգյանը։
«Տրամաբանությունը հետևյալն է. եթե դուք արտադրում եք լավ ապրանք, նշանակում է այդ ապրանքը հաստատ պետք է առևտրային ցանցում կամ խանութում վաճառվի։ Բիզնեսները, որոնք ստեղծված են միայն պետական գնումներում մատակարարումներ անելու համար, դրանք չեն կարող բիզնես լինել․ բիզնեսի տրամաբանությունը դա չի հուշում»,- նշել է Գևորգյանը՝ ընդգծելով, որ այս փոփոխությունը մոտ օրերս արդեն իրավական ակտի տեսք կստանա։
Գևորգյանի խոսքով՝ այս փոփոխության առիթ է դարձել Երևանի քաղաքապետարանի դիմումը, ըստ որի՝ մանկապարտեզներում կաթնամթերքի գնումները հանգեցնում են անբարեխիղճ մրցակցության։
«Մենք հայտնաբերել ենք ոչ խելամիտ գներով կարագ ու պանիր»,- նշել է Գևորգյանը։
