Հասարակություն
Օմանից զբոսաշրջիկների թիվն աճել է, Սաուդյան Արաբիայից ու Բահրեյնից՝ նվազել
Հայաստանի կառավարությունն իր վերջին նիստում որոշեց վերացնել մուտքի վիզայի պահանջը Բահրեյնի, Սաուդյան Արաբիայի և Օմանի քաղաքացիների համար։ Այս քայլը հիմնավորվեց զբոսաշրջությունը խթանելու ցանկությամբ։
Radar Armenia-ն ներկայացնում է, թե նախորդ տարիներին որքան զբոսաշրջիկ է եկել այդ երկրներից։
Այսպես, 2024 թվականին Օմանից Հայաստան է եկել 2235 զբոսաշրջիկ՝ 2023 թվականին եկած 1264-ի փոխարեն։ Իսկ այս տարվա առաջին եռամսյակում Օմանից ժամանել է 481 զբոսաշրջիկ։
Թվերը ցույց են տալիս, որ Օմանից ժամանած զբոսաշրջիկների թիվը 2024-ին զգալի աճ է արձանագրել՝ 76%, սակայն այս տարվա առաջին եռամսյակում արդեն նկատվում է 15% անկում նախորդ տարվա համեմատ։
Սաուդյան Արաբիայից զբոսաշրջիկների թիվն, ընդհակառակն, կտրուկ նվազել է՝ 2023թ․ 1997-ից հասնելով 600-ի։ Նվազումը 70%-ով է։ Իսկ այս տարվա առաջին եռամսյակում Սաուդյան Արաբիայից եկել է 97 զբոսաշրջիկ՝ 3,2%-ով ավել նախորդ տարվա ցուցանիշից։
Նվազում կա նաև Բահրեյնի դեպքում։ Բահրեյնից Հայաստան է եկել 153 զբոսաշրջիկ՝ 2023-ի 166-ի փոխարեն։ Այստեղ նվազում կա շուրջ 7,8%-ով։ Իսկ այս տարվա առաջին եռամսյակում Բահրեյնից եկել է 45 զբոսաշրջիկ՝ 75%-ով ավել։
Ա.Պողոսյան
