ԱԺ-ն քննարկում է «Հայաստան» և «Պատիվ ունեմ» խմբակցությունների ներկայացրած՝ պատգամավոր Անդրանիկ Քոչարյանի վարքագծի վերաբերյալ պատգամավորական էթիկայի հարցերով հանձնաժողով ստեղծելու մասին նախագիծը։
Այն ներկայացրեց «Պատիվ ունեմ»-ի պատգամավոր Թագուհի Թովմասյանը՝ նշելով, որ հանձնաժողով ստեղծելու առիթը Քոչարյանի ու լրագրող Հռիփսիմե Ջեբեջյանի միջև տեղի ունեցած միջադեպն էր, երբ պատգամավորը լրագրողին ասել էր՝ «շուրթերդ մաքրի», ապա՝ արգելել իր կողքին կանգնել։
