Երևանի ընդհանուր իրավասության դատարանում Արտուշ Գաբրիելյանի նախագահությամբ դատաքննությունն ընդմիջվել է, որից հետո դատարանի քարտուղարն ասել է, թե այն հետաձգվում է անորոշ ժամանակով։ Ըստ տարածված լուրերի, դատավորին բերման են ենթարկել։
Հակակոռուպցիոն կոմիտեից Radar Armenia-ին տեղեկացրին, որ Կոմիտեում քննվող քրեական վարույթի շրջանակներում դատարանում իրականացվում են քննչական գործողություններ։
Նշենք, որ ավելի վաղ, հակակոռուպցիոն դատարանը 2024 թվականի հոկտեմբերի 15-ին վարույթ էր ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
