Հասարակություն

«Հարյուր միլիոնավոր մեղրատու մեղուներ խորհրդավոր կերպով մահանում են ԱՄՆ-ում». Լևոն Ազիզյան

Հարյուր միլիոնավոր մեղրատու մեղուներ խորհրդավոր կերպով մահանում են Միացյալ Նահանգներում... և մեղվաբույծները չգիտեն, թե ինչու: Այն, ինչ տեղի է ունենում, մտահոգիչ է, քանի որ այն կարող է լուրջ հետևանքներ ունենալ գյուղատնտեսության և սեղանի վրա հայտնվող շատ մթերքների համար: Այդ մասին Ֆեյսբուքի իր էջում գրել է Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը։

Ավելի քան մեկ տասնամյակի փորձ ունեցող մեղվաբույծ Թոմ Բաբքոքն ասում է, որ երբեք ավելի լուրջ բան չի տեսել: «Ես բիզնեսով եմ զբաղվում 2010 թվականից և երբեք այսքան մեծ կորուստների ականատես չեմ եղել»,- խոստովանել է նա։

ԱՄՆ-ում  մեղուները փոշոտում են մրգերի, ընկույզների և բանջարեղենի 75%-ը: Խոսքը մոտ 15 միլիարդ դոլար արժողությամբ մշակաբույսերի մասին է: Եթե ​​մեղուները անհետանան, ապա նրանցից կախված մթերքները նույնպես կանհետանան: