Այսօր՝ ապրիլի 5-ին` Ժամը 17:50-ի սահմաններում, ոստիկանություն օպերատիվ տեղեկություններ են ստացվել այն մասին, որ Երևանում՝ Հանրապետության փողոցի 32 հասցեում կառուցվող շենքի շինհրապարակում դի կա: Այդ մասին հայտնում է shamshyan.com-ը։
Տեղում պարզվել է, որ ստացված օպերատիվ տեղեկությունը հավաստի է. շինհրապարակում հայտնաբերվել է տղամարդու մարմին։ Մահացածի ինքնությունը պարզվել է. նա Շիրակի մարզի բնակիչ 66-ամյա Վահագն Բ-ն է:
Ըստ նախնական տեղեկությունների՝ տղամարդը կառուցվող շենքի 7-րդ հարկից անզգուշաբար վայր է ընկել:
Դեպքի փաստով քննչական բաժնում նախաձեռնվել է քրեական վարույթ: