Ֆրանսիա կատարած աշխատանքային այցի շրջանակում ՀՀ բարձր տեխնոլոգիական արդյունաբերության նախարար Մխիթար Հայրապետյանն այսօր հանդիպել է Ֆրանսիայի Զինված ուժերի նախարարության սպառազինությունների գլխավոր տնօրինության ղեկավար Էմանուել Կիվայի հետ։
«Քննարկման առանցքում էր Հայաստանի և Ֆրանսիայի ռազմարդյունաբերական համագործակցության զարգացման հեռանկարները, տեխնոլոգիական փոխանակման ծրագրերի նախաձեռնման հնարավորությունները, Հայաստանում պաշտպանական տեխնոլոգիաների զարգացմանն առնչվող հարցեր և այլ թեմաներ»,- գրել է նախարարը Ֆեյսբուքի իր էջում։
