ՇՄ նախարարությունից հայտնում են․
Անցած աշխատանքային շաբաթը Շրջակա միջավայրի նախարարության ենթակա կառույցներում
Արգելոցապարկային Համալիրում
ՊՈԱԿ են այցելել Շվեդիայի Լունդի համալսարանի «Բնահեն լուծումներ քաղաքային միջավայրի համար» ծրագրի մասնակիցները:
Մասնակիցների հետ քննարկվել է «Ջրվեժ» անտառպարկի զարգացման ուղիներ:
«Արգելոցապարկային համալիր» պետական ոչ առևտրային կազմակերպության և Կրթության, գիտության, մշակույթի և սպորտի նախարարության Երևանի տարածաշրջանային N1 պետական քոլեջի միջև կնքվել է համագործակցության հուշագիր, ինչը հնարավորություն կտա կազմակերպել բնապահպանական և էկոկրթական թեմաներով՝ էկոկրթական, էկոճանաչողական և էկոդաստիարակչական միջոցառումներ և դասընթացներ:
ՀՀ ՇՄՆ էկոպարեկային ծառայությունում
Ծառայության պետ Վլադիմիր Կիրակոսյանը ներկա է գտնվել էկոպարեկային ծառայության Սյունիքի մարզային վարչության «Զանգեզուր» կենսոլորտային համալիր»-ի, Սյունիքի և Սիսիանի, Կապանի տեղամասերի համալրման նպատակով ՆԳՆ փրկարար ծառայությունում անցկացվող ավագ և գլխավոր էկոպարեկային ծառայողների ֆիզիկական պատրաստվածության վիճակի ստուգման ընթացքին։
Հայաստանի բնության պետական թանգարանում
Գետերի միջազգային օրվա կապակցությամբ կազմակերպվել է էկոկրթական հանդիպում Ապարանի թիվ 1 հիմնական դպրոցի 8-րդ դասարանի և Երևանի Գերմիոնա կրթահամալիրի 7-րդ դասարանի աշակերտների համար:
Գետերի միջազգային օրվա «Մեր գետերը, մեր ապագան» կարգախոսից ելնելով առանձնահատուկ ուշադրություն է դարձվել գետերի նշանակության, դրանց աղտոտվածության հիմնական պատճառների և պահպանության հարցերին:
«Զանգեզուր» կենսոլորտային համալիր» ՊՈԱԿ-ում
Գիտության և զբոսաշրջության բաժնի աշխատակիցներն էկոկրթական հանդիպում են ունեցել Սյունիքի միջնակարգ դպրոցի աշակերտների հետ։
Հանդիպման ընթացքում անցկացվել է ինտերակտիվ դասընթաց՝ «Մարդը բնության մի մասնիկն է» թեմայով, որի ընթացքում ներկայացվել է բնության բաղադրիչները, մարդու դերը բնության մեջ՝ բացասական ու դրական ազդեցությունները շրջակա միջավայրի վրա և ՀՀ Կարմիր գիրքը։
«Արփի լիճ» ազգային պարկ» ՊՈԱԿ-ում
Կազմակերպվել է էկոկրթական հանդիպում Բավրա գյուղի և Աշոցք համայնքի դպրոցականների հետ։
«Խոսրովի անտառ» պետական արգելոցում
Թանգարան են այցելել Շաղափի միջնակարգ դպրոցի 2-րդ և 3-րդ դասարանների աշակերտները:
Թանգարանում աշակերտներին ներկայացվել է Հայաստանի Կարմիր գրքում ընդգրկված հազվագյուտ, անհետացող կենդանատեսակներն ու բուսատեսակներն:
