Ոտքերի այտուցվածությունը, մեջքի ցավը, անհանգստությունը սեռական հարաբերությունների ժամանակ, հոգնածությունը, աղիների աշխատանքի փոփոխությունները և դաշտանային ցիկլի խախտումները կարող են հուշել ձվարանների քաղցկեղի մասին, սակայն այս նշանները հաճախ անտեսվում են:
Այս մասին Daily Mail-ին ասել է բրիտանացի ընտանեկան բժիշկ Ալեքս Միսիքը։ Մասնագետի խոսքով, ձվարանների քաղցկեղը դժվար է ախտորոշել վաղ փուլերում, քանի որ ախտանշանները հեշտությամբ կարելի է շփոթել ոչ լուրջ խնդիրների հետ։
Որպես կանոն, կանայք նկատում են ծանոթ նշաններ, ինչպիսիք են որովայնի փքվածությունը կամ այտուցը, ցավն ու անհանգստությունը կոնքի շրջանում, հաճախամիզությունը:
Մշտական հոգնածությունն ու մարսողական խնդիրները նույնպես անտեսվում են, որոնք հաճախ վերագրվում են վատ սնվելուն և սթրեսին: Բժիշկ Միսիքը հավելել է, որ ոտքերի այտուցը կարող է լինել ախտանիշ, որը ուղեկցում է ձվարանների քաղցկեղին հետագա փուլերում: Երբ ուռուցքը սեղմում է երակային ուղիները, դա հանգեցնում է հեմոդինամիկայի հետ կապված խնդիրների՝ արյան շարժման անոթների միջով:
Դրանով պայմանավորված՝ կանայք կարող են նաև մեջքի ցավ զգալ։
