«Գազպրոմ Արմենիա» ընկերությունից հայտնում են՝ «Այլ անձանց կողմից իրականացվող հողային աշխատանքների ժամանակ վնասվել է միջին ճնշման վերգետնյա գազատար, ինչի պատճառով փետրվարի 20-ին ժամը 11։15-ից դադարեցվել է Կոտայքի մարզի Պռոշյան բնակավայրի գազասպառողների, հարակից տարբեր նշանակության հանրային կազմակերպությունների գազամատակարարումը։ Իրականացվում են վթարավերականգնողական աշխատանքներ։
Գազամատակարարման վերականգնման կանխատեսվող ժամկետ՝ ժամը 15։00։
Տրանսպորտային միջոցի հարվածի հետևանքով վնասվել է միջին ճնշման վերգետնյա գազատար, ինչի պատճառով փետրվարի 20-ին ժամը 10։00-ից դադարեցվել է Կոտայքի մարզի Հրազդան քաղաքի Վ․Աղբյուրակ, Մաքրավան և Կենտրոն թաղամասերի գազասպառողների, հարակից տարբեր նշանակության հանրային կազմակերպությունների գազամատակարարումը։ Իրականացվում են վթարավերականգնողական աշխատանքներ։
Գազամատակարարման վերականգնման կանխատեսվող ժամկետ՝ ժամը 13։00։
Հողային շերտի փլուզման հետևանքով վնասվել է միջին ճնշման վերգետնյա գազատար, ինչի պատճառով փետրվարի 20-ին ժամը 08։25-ից դադարեցվել է Տավուշի մարզի Դիլիջան քաղաքի Կամոյի փողոցի մի հատվածի (Կոմոյի 80 հասցեին հարակից տարածք) գազասպառողների, հարակից տարբեր նշանակության հանրային կազմակերպությունների գազամատակարարումը։ Իրականացվում են վթարավերականգնողական աշխատանքներ։
Գազամատակարարման վերականգնման կանխատեսվող ժամկետ՝ ժամը 16։30»։
