ՀՀ առողջապահության նախարարությունից հայտնում են.
«Ալկոհոլային դելիրիումը (հաճախ հայտնի` որպես «Սպիտակ տենդ») կարող է զարգանալ ալկոհոլից կախվածություն ունեցող անձանց մոտ՝ ալկոհոլի օգտագործումը կտրուկ դադարեցնելու կամ կրճատելու դեպքում։ Այն սովորաբար ի հայտ է գալիս վերջին անգամ ալկոհոլ ընդունելուց 2-5 օր անց։
Այն զարգանում է`
- երբ օրեր/շաբաթներ տևող ալկոհոլի չարաշահման հետևանքով օրգանիզմի ինտոքսիկացիայի և հյուծման արդյունքում այլևս հնարավոր չի լինում գործածել ալկոհոլ,
- երբ որևէ հիվանդության կամ խանգարման պատճառով պարտադրված դադարեցնում են օրեր, շաբաթներ տևող ալկոհոլի չարաշահումը:
Ալկոհոլային դելիրիումին բնորոշ են`
- գիտակցության խանգարումը,
- տեղի և ժամանակի նկատմամբ ապակողմնորոշված վիճակը,
- տեսողական և լսողական ցնորքները,
- ցնորային ապրումները,
- քրոնիկ հիվանդությունների սրացումը կամ այլ հիվանդությունների զարգացումը,
- այլ հոգեախտաբանական ախտանշաններ։
Ալկոհոլային դելիրիումն ալկոհոլից կախվածություն ունեցող մարդու կյանքի համար վտանգավոր վիճակ է, պահանջում է շտապ թմրաբանական օգնություն:
Ալկոհոլային դելիրիումի առկայության դեպքում պացիենտների ընդունելությունն իրականացվում է ՀՀ ԱՆ Կախվածությունների բուժման ազգային կենտրոնում` շուրջօրյա 24/7 ռեժիմով:
Խորհրդատվության համար կարող եք այցելել կենտրոն կամ զանգահարել 012-27-27-27 հեռախոսահամարով»։
