ԱԺ «Հայաստան» խմբակցության պատգամավոր Գառնիկ Դանիելյանը լրագրողների հետ ճեպազրույցում մանրամասներ է հայտնել Վահագն Ալեքսանյանի հետ դահլիճում լարված խոսակցությունից։
Դանիելյանը նշել է, որ իր ելույթում անդրադարձել էր զինծառայողների առօրյան բարդացնող մի շարք խնդիրների, որոնցից են համազգեստի, երկարաճիտ կոշիկների և նյութատեխնիկական ապահովման հետ կապված այլ հարցերի:
Իսկ թե ինչն է բարկացրել Վահագն Ալեքսանյանին, ըստ Դանիելյանի, իր ելույթն ուղղված էր խնդրի լուծման առաջարկներ ներկայացնելուն, սակայն իշխանական պատգամավորները նախկին իշխանություններին մեղադրելու մոտեցումից չեն հրաժարվում. «Բանակի կազմավորումից ի վեր միշտ խնդիրներ եղել են, բայց հարցն այն է, թե ինչ անենք, որ դրանք վերջնականապես լուծվեն։ ՔՊ-ականները շարունակում են մեղադրել նախկին իշխանություններին, մինչդեռ արդեն 7 տարի է՝ իրենք են իշխանության և իրավունք չունեն այդ խնդիրները չլուծել՝ միայն մեղադրանքներով զբաղվելով»։
Ըստ Դանիելյանի՝ եղածը սովորական խոսակցություն է եղել։
