Վարչապետ Նիկոլ Փաշինյանը, անդրադառնալով ձմռանը ձմեռային անվադողերով երթևեկելու պահանջին, նշել է՝ այն վարորդների համար որոշակի լրացուցիչ ծախս է, բայց սա որոշում էր, որ պետք է կայացնեին։
«Ուզում եմ իմ անձնական փորձով կիսվել։ Ես սկզբունք դարձրի ինձ համար, որ մեքենային պետք է լինի ձմեռային անիվ։ Սա այն բանից հետո, երբ ես իմ ընտանիքի անդամների հետ ձյունածածկ ճանապարհին հայտնվեցի վթարային վիճակում, և ես հասկացա, որ ընդամենը պատահականության բերումով ծանր հետևանքներ չունեցանք»։
