«Նախարարը եթե շատ զբաղված է, ֆինանսների երկու նախարարություններ ստեղծեք, երկու նախարար լինի, մեկն այս գործով զբաղվի, մյուսը այն»,- հայտարարել է ԱԺ Հայաստան խմբակցության պատգամավոր Թադևոս Ավետիսյանը Տնտեսական հարցերի մշտական հանձնաժողովի նիստում։
Նա կարևորել է նախարարների՝ հանձնաժողովներում օրինագծերը ներկայացնելու պրակտիկան։ Ըստ Ավետիսյանի, ոլորտի պատասխանատուները, այդ թվում՝ նախարարն ու եկամուտների կոմիտեի նախագահը, պետք է ներկայանան հարցադրումներին ու քննարկումներին:
Ավետիսյանը նաև նշեց, որ նախարարի տեղակալները կարող են ներկայացնել իրենց տեսակետները, սակայն հարցերի պատասխանատվությունը պետք է կրեն ոլորտի ղեկավարները. «Կանոն է, որ նախարարը պետք է գա, բացառություններ՝ այո, կարող են լինել, բայց որպես կանոն չի գալիս, բացառիկ դեպքերում է գալիս։ Հակառակ ուղղությամբ պետք է շրջել այս ամենը»։
Նշենք, որ ԱԺ հանձնաժողովի նիստում նախագիծը ներկայացնում էր Ֆինանսների փոխնախարար Արման Պողոսյանը։
