Radar Armenia-ի տեղեկություններով՝ ԲՀԿ ղեկավար Գագիկ Ծառուկյանի որդու՝ Նվերի նկատմամբ հետախուզում է հայտարարվել:
Հիշեցնենք՝ հոկտեմբերի 26-ին, ժամը 03:30-ի սահմաններում, խաղատներից մեկում վիճաբանություն էր առաջացել խաղատան աշխատակիցների և Նվեր Ծառուկյանի ու նրա թիկնապահների միջև, որը վերածվել է ծեծկռտուքի․ հնչել էին նաև կրակոցներ։
Radar Armenia-ն քննչական կոմիտեից տեղեկացավ, որ տվյալ օբյեկտում միջադեպի առնչությամբ կա նախաձեռնված քրեական վարույթ՝ խուլիգանության, կողոպուտի հատկանիշներով։
«Դրա շրջանակներում 5 անձի նկատմամբ քրեական հետապնդում է հարուցվել, նշված անձանց կալանավորելու որոշումներ են կայացվել, նրանց նկատմամբ հետախուզում է հայտարարվել։ Սակայն վարույթի մասին այլ տվյալներ, ինչպես նաև մեղադրյալների անձնական տվյալները հրապարակման ենթակա չեն»։
Հայկ Մագոյան
