Հասարակություն
«ՏՏ ընկերություններն աշխատողների փոխարեն օգտագործում են ԱԲ». Արշակյան
ԱԺ փոխնախագահ Հակոբ Արշակյանն ԱԺ տնտեսական հարցերի մշտական հանձնաժողովի նիստում հայտարարել է, որ, հակառակ ընդդիմության պնդումներին, տեղեկատվական տեխնոլոգիաների (ՏՏ) ոլորտում շարունակվում է աճը։ Միաժամանակ, նա խոսել է աշխատողների թվի նվազման մասին, ասելով. «Մինչ այս պահը վերլուծությունների արդյունքում կարող եմ հավաստիացնել, որ կա աճ, սակայն մենք բախվում ենք մեկ այլ մարտահրավերի՝ աշխատողների քանակի նվազման»։
Նրա խոսքով ՝ նվազումն առաջացել է արհեստական բանականության ալգորիթմերի լայն կիրառման շնորհիվ, երբ ընկերությունները սովորական աշխատակիցների փոխարեն օգտագործում են ավտոմատացված մեթոդներ: Արշակյանն ավելացրել է, որ աշխատանքային միգրանտների առնչությամբ օրենսդրական բարեփոխումներ են նախաձեռնում՝ Հայաստանի մրցակցային առավելությունները ուժեղացնելու նպատակով:
