Հասարակություն
Արմավիր քաղաքում «Mercedes»-ը վրաերթի է ենթարկել 88-ամյա քաղաքացուն
Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում
Այսօր՝ նոյեմբերի 10-ին, վրաերթ է տեղի ունեցել Արմավիրի մարզում։ Ժամը 12:50-ի սահմաններում ՀՀ ներքին գործերի նախարարության Ոստիկանության համայնքային գլխավոր վարչության Արմավիրի բաժնում և ՀՀ ՆԳՆ ոստիկանության Պարեկային ծառայության Արմավիրի մարզի գումարտակում տեղեկություններ են ստացվել, որ Արմավիր քաղաքում վրաերթ է տեղի ունեցել, տուժածը տեղափոխվում է «Արմավիր» բժշկական կենտրոն։
Ինչպես հայտնում է shamshyan.com-ը, ոստիկաններն ու պարեկները պարզել են, որ հիվանդանոց տեղափոխվածը Արմավիրի մարզի բնակիչ 88-ամյա Այծեմնիկ Գ.-ն է:
Պարզվել է, որ ժամը 12:30-ի սահմաններում Արմավիր քաղաքի Հանրապետության փողոցի 13 հասցեի դիմաց Այծեմնիկ Գ.-ին վրաերթի է ենթարկել Արմավիրի մարզի բնակիչ 68-ամյա Աղվան Ս.-ն՝ իր վարած «Mercedes» մակնիշի ավտոմեքենայով։
Աղվան Ս.-ն հայտնաբերվել է և ավտոմեքենայով տեղափոխել ոստիկանության Արմավիրի բաժին։
Դեպքի փաստով ոստիկանության Արմավիրի բաժնում փաստաթղթեր են ձևակերպվել: Վարորդը ենթարկվել է սթափության փորձաքննության, եղել է սթափ։
