ՀՀ առողջապահության նախարար Անահիտ Ավանեսյանը գրառում է կատարել՝ հայտնելով, որ մամոգրաֆիկ հետազոտություն է անցել, նաև՝ կանանց կոչ արել դիմել իր օրինակին.
«Անցնելով մամոգրաֆիկ հետազոտություն` ես ու ինձ նման շատ կանայք արդեն հաղթահարել ենք հետազոտվելու հետ կապված վախերը:
Կա պարզ իրականություն. կրծքագեղձի քաղցկեղը լիարժեք բուժելի է միայն հիվանդության վաղ փուլում:
Ամփոփելով վարդագույն հոկտեմբերը` համոզվե՛ք, որ հետևում եք կրծքագեղձի քաղցկեղի կանխարգելման և վաղ հայտնաբերման մասնագիտական խորհուրդներին`
կանոնավոր ինքնազննում,
տարեկան ստուգումներ,
թիրախային տարիքի կանանց մամոգրաֆիա»,- գրել է նա:
