Հասարակություն
Հրազդանում իրականացվում են մի շարք սուբվենցիոն ծրագրեր (ԼՈՒՍԱՆԿԱՐՆԵՐ)
ՀՀ կառավարության 2024 թվականի հաստատված սուբվենցիոն ծրագրով վերանորոգման աշխատանքներ են մեկնարկել Հրազդան քաղաքի թիվ 15 մանկապարտեզում։ Սուբվենցիայի շրջանակում նախատեսվում է կառուցել նոր տանիք, փոխել դռներն ու պատուհանները։
Ծրագրի արժեքը 75,5 մլն. դրամ է, որից պետական բյուջեի ֆինանսավորման չափը 70 % է, իսկ համայնքի ներդրումը՝ 30 %: Աշխատանքները նոր են մեկնարկել:
Հրազդան համայնքում այս պահին ընթանում են նաև 2023 թվականի սուբվենցիոն ծրագրերով հաստատված՝ Հրազդան համայնքի տարածքում նոր մայթերի և եզրաքարերի կառուցման,ինչպես նաև Հրազդան քաղաքի Կենտրոն, Մաքրավան, Միկրոշրջան և Հարավային թաղամասերի միջթաղամասային ճանապարհների հիմնանորոգման ու Զ. Անդրանիկի պողոտայի բետոնե բաժանարարների կառուցման և տեղադրման աշխատանքները:
Շինարարական աշխատանքներն իրականացվում են պետություն-համայնք՝ 35 %/ 65% համաֆինանսավորմամբ:
