Հասարակություն
«Սկսում ենք մոտենալ իմ նշած նպատակին». Հակոբյան (ԼՈՒՍԱՆԿԱՐՆԵՐ)
Վարչապետի տիկին Աննա Հակոբյանը հայ դիզայներներին շնորհակալություն է հայտնել իրենց աշխատանքների համար, որոնք կրել է այս տարիների ընթացքում։ Աննա Հակոբյանը այդ աշխատանքներից լուսանկարներ է հրապարակել՝ նշելով բրենդները։
««Ես չեմ պատրաստվում գնումներ կատարել այլ երկրներում կամ Երևանում ներկայացված օտարերկրյա բրենդային խանութներից, ինչպես չեմ պատրաստվում կրել իտալական կամ ֆրանսիական կամ որևէ այլ երկրի արտադրության հագուստ...
Առաջիկայում բոլոր միջոցառումների ժամանակ մարդիկ ինձ կտեսնեն այն հագուստով, որը ես կկարողանամ ձեռք բերել հայ դիզայներների աշխատանքները ներկայացնող խանութներում...
Եվ որքան մեր դիզայներները զարգացնեն ու կատարելագործեն իրենց աշխատանքները, այնքան, հուսով եմ, ես ավելի լավ տեսք կունենամ»:
Այս խոսքերը ասել եմ 2018 կամ 2019 թվականին։ Ոչ մի կերպ չգտանք՝ կոնկրետ երբ և որտեղ:)
Անցել է մի քանի տարի, և կարծես թե սկսում ենք մոտենալ իմ նշած նպատակին։ Նկատի ունեմ, կարծես թե, ես սկսում եմ ավելի գեղեցիկ հագուստ կրել և ավելի լավ տեսք ունենալ։
Այս առիթով ցանկանում եմ մեծ շնորհակալություն հայտնել բոլոր այն դիզայներներին, որոնց հետ համագործակցել եմ այս ողջ ընթացքում։ Շնորհակալ եմ ձեր կատարած աշխատանքի, ավելի ու ավելի լավ որակ ապահովելուն ուղղված անկոտրում ջանքի համար։ Աշխատանքը միշտ իր հետ արդյունքներ է բերում։ Եվ որքան ճիշտ է այն կազմակերպվում, որքան ավելի գրագետ է արվում, այնքան այդ արդյունքները տեսանելի են լինում։
Բոլորիդ մաղթում եմ ստեղծագործական անսպառ միտք, կատարելագործվելու անհատնում ցանկություն և մեծ-մեծ հաջողություններ»,- ասվում է Աննա Հակոբյանի գրառման մեջ։
