Հասարակություն
Մարդիկ կտեսնեն, որ տրանսպորտի գնի փոփոխությունն իրենց ընդհանուր բյուջեի վրա շատ էական ազդեցություն չունի․ քաղաքապետ
Տրանսպորտի գինը հունվարից կփոխվի, սակայն դա մարդկանց բյուջերի վրա էական ազդեցություն չի ունենա։ Այդ մասին ասաց Երևանի քաղաքապետ Տիգրան Ավինյանը լրագրողների հետ զրույցում։
«Տրանսպորտի գինը ֆիքսված է երևանի ավագանու որոշումներով, ընդհանուր սկզբունքը դրված է այնպես, որ ովքեր շատ են օգտվում տրանսպորտից, նրանց համար գինը կարող է նվազել, ովքեր ավելի քիչ քանակությամբ են օգտվում, նրանց մոտ հարաբերականորեն գինը մի փոքր կավելանա։
Բերվել է մեկ միասնական տրամաբանության, ինչպես բոլոր զարգացած քաղաքներում է իրականացվում։ Կարծում եմ՝ ընդհանուր առմամբ գնային տատանումն իրական կյանքում, ոչ թե մեր ընդդիմադիր գործընկերների կողմից պաբերաբար ահասարսուռ խոսակցությունների, որ բարձրաձայնվում են, դա իրականությանը չի համապատասխանում։ Իրական կյանքում մարդիկ կտեսնեն, որ դա իրենց ընդհանուր բյուջեի վրա շատ էական ազդեցություն չունի»,- ասաց նա։
