Հասարակություն
Անահիտ Ավանեսյանը կոչ է անում ավելի խնայող և ուշադիր լինել միմյանց հանդեպ
ՀՀ առողջապահության նախարար Անահիտ Ավանեսյանն ուղերձ է հղել հոգեկան առողջության համաշխարհային օրվա առթիվ։
«Այսօր հոգեկան առողջության համաշխարհային օրն է. այս տարվա կարգախոսն է «Հոգեկան առողջությունն աշխատավայրում առաջնահերթություն դարձնելու ժամանակն է»:
Փորձե՛նք ավելի խնայող և ուշադիր լինել մեկս մյուսի հանդեպ ոչ միայն ընտանիքում, մտերիմների շրջանում, այլև` աշխատանքի վայրում:
Նպաստե՛նք առողջ մթնոլորտի ձևավորմանը, քանի որ չկա առողջություն` առանց հոգեկան առողջության:
Զարգացնե՛նք դիմակայություն արտաքին ազդակների նկատմամբ և չանտեսենք մեր կարիքներն ու խնդիրները:
Հոգեկան առողջության խնդիր ունեցող մարդկանց վերաբերվենք արժանապատվորեն և ապրումակցումով:
Իհարկե, մեր երկրում շատ բան է փոխվել վերաբերմունքի և մտածողության առումով, բայց ցավոք, մեր հասարակության մեջ դեռևս թիրախավորման, խարանի և խտրականության ընկալումներ և դրսևորումներ կան, ինչը հաճախ խանգարում է ճիշտ ժամանակին մասնագիտական օգնության դիմելուն:
Հոգեկան առողջության ծառայությունները հասանելի են և անվճար:
Կուզենայի մի քանի խորհրդով կիսվել ձեզ հետ իմ փորձից, թե ինչն է օգնում ինձ` պահպանելու ներքին հանգստությունը`
- ֆիզիկական ակտիվություն
շփումներ հարազատ մարդկանց հետ
էկրանի ժամանակի կառավարում»:
