Չինացի գիտնականները պարզել են, որ ստեղծագործ անհատականություն ունեցող մարդիկ հաճախ հակված են տարբեր կախվածությունների։ Հետազոտությունը հրապարակվել է Psychological Reports (PsyRep) գիտական ամսագրում:
Չինացի փորձագետների եզրակացությունները հիմնված են 17-ից 22 տարեկան 576 ուսանողների շրջանում հարցումների արդյունքների վրա։ Երիտասարդները լրացրել են մի քանի հարցաթերթիկներ, որոնք նախատեսված էին նրանց կախվածության հակումները, նորույթների որոնումը, ստեղծագործական ճանաչողական ոճերը և դեպրեսիվ ախտանիշները չափելու համար:
Հետազոտողները պարզել են, որ կախվածություն առաջացնող վարքագիծը կապված է գաղափարներ առաջացնելու ավելի բարձր ունակության հետ:
Կախվածություն ունեցող մարդիկ ավելի հաճախ էին փնտրում նոր փորձառություններ: Հետազոտությունը նաև ցույց է տվել, որ դեպրեսիվ հակումները մեղմացնում են այս ազդեցությունը:
Դեպրեսիայի ավելի բարձր մակարդակ ունեցող մարդիկ ավելի քիչ էին հակված նորություն փնտրելու, ինչն իր հերթին նվազեցնում է ստեղծագործ գաղափարներ առաջացնելու նրանց կարողությունը:
