Հասարակություն
Իշխանությունները չեն հստակեցրել՝ կմասնակցե՞ն Մայր տաճարի վերաօծմանը, թե՞ ոչ
Նա նշել է, որ բարձրաստիճան պաշտոնյաները հրավիրվել են, սակայն բացի ԱԺ նախագահ Ալեն Սիմոնյանից, մյուսները մասնակցության վերաբերյալ չեն պատասխանել։
Մայր Աթոռ Ս. Էջմիածնի դիվանապետ Արշակ արքեպիսկոպոս Խաչատրյանն անդրադարձել է մյուռոնօրհնեքի արարողությանն ու Մայր տաճարի վերաօծմանը իշխանություններին ուղղված հրավերին։
Նա նշել է, որ բարձրաստիճան պաշտոնյաները հրավիրվել են, սակայն բացի ԱԺ նախագահ Ալեն Սիմոնյանից, մյուսները մասնակցության վերաբերյալ չեն պատասխանել։
Նա մեկնաբանել է նաև իշխանություն-եկեղեցի փոխհարաբերությունների այսօրվա վիճակի պայմաններում հրավերի նպատակահարմարությունը՝ նշելով, որ այդ հարցը քննարկվել է ամենաբարձր մակարդակով՝ գերագույն հոգևոր խորհրդում։ Ըստ նրա՝ իշխանություններին հրաժարականի հորդորն ու համազգային արարողություններին հրավիրելը պետք է տարանջատել։
Հիշեցնենք՝ ԱԺ նախագահն ավելի վաղ հայտարարել էր, թե գործուղման է մեկնելու, ինչի պատճառով չի մասնակցի Մայր տաճարի վերաօծմանը։
