Հասարակություն
«Երեխաների նկատմամբ բռնությունների դեպքերն ավելացել են»․ ՀՀ ՄԻՊ
8 Սեպտեմբերի 2024, 23:32
Երեխաների նկատմամբ բռնությունների դեպքերն ավելացել են, դրանք շատ մեծ թիվ են կազմում հենց ընտանիքներում, հայտարարել է ՀՀ մարդու իրավունքների պաշտպան Անահիտ Մանասյանը:
Մանասյանի խոսքով՝ ոլորտում վերջին տարիներին գրանցվել է դրական առաջընթաց, այնուամենայնիվ, խնդիրները դեռ բազմաթիվ են:
«Երեխաների մասնակցությունը տարբեր գործընթացներին, այդ թվում՝ որոշումների կայացման գործընթացներում, ունի բացառիկ կարևորություն»,- նշել է նա:
Պաշտպանը խոսել է կրթության մասին և հայտարարել, որ համակարգը Հայաստանում լուրջ վերափոխման կարիք ունի:
«Եթե այդ վերափոխումը չլինի, հետևանքները շատ ցավալի կլինեն: Մեր հասարակությունում անհատական պատասխանատվության սկզբունքը քչերն են գիտակցում: Բոլորը պատասխանատու են համարում դիմացինին»,- նշել է Մանասյանը:
