Հասարակություն
Վերարտադրողական օժանդակ տեխնոլոգիաներից օգտվողների տարիքային շեմը կբարձրացվի (ՏԵՍԱՆՅՈՒԹ)
Վերարտադրողական օժանդակ տեխնոլոգիաներով բուժօգնության իրավունք ունեցող քաղաքացիների շրջանակն ընդլայնվում է։
ՀՀ առողջապահության նախարար Անահիտ Ավանեսյանը կառավարության նիստում ներկայացրել է որոշման նախագիծը, ըստ որի՝ այդ ծրագրի շահառու կանանց տարիքային շեմը 36-ից բարձրանում է մինչև 40-ը ներառյալ. «Բացի դրանից, ընդլայնվում է երկրորդային անպտղություն ունեցող շահառուների շրջանակը, և եթե նախկինում սահմանվում էր, որ միայն սահմանամերձ բնակավայրերի քաղաքացիներն իրավունք ունեին օգտվելու այս հնարավորությունից, հիմա սահմանափակումը դուրս է գալիս, և բոլորը կարող են օգտվել։ Այսինքն՝ երկրորդային անպտղության հետ կապված խնդիրները ևս թիրախային հասցեագրվում են»,- տեղեկացրել է Անահիտ Ավանեսյանը։
Նախարարի խոսքով, ծրագիրը պիլոտային կարգով սկսվել է 2019-ին. «2020թ. ընդամենը 49 բալիկ ենք ունեցել, 2021-ին՝ 76, 2022թ. 128, 2023թ՝ 159 և 2024թ. հունվար-հունիս ամիսներին 271 երեխա է ծնվել։ Նման կտրուկ աճ ունենք նաև հղիների»,- տեղեկացրել է նա։
