Հասարակություն
«Աշտարակում և Բազմաղբյուրում կառուցվել է 4 խաղադաշտ». վարչապետ
12 Հուլիսի 2024, 11:40
Վարչապետ Նիկոլ Փաշինյանն այցելել է Արագածոտն։ Նա գրառում է արել ֆեյսբուքյան էջում՝ մանրամասներ հայտնելով. «Այցելել եմ Արագածոտնի մարզ՝ ծանոթանալու 2023 թվականին իրականացված աշխատանքներին և ընթացքի մեջ գտնվող ծրագրերին:
Առաջին կանգառն Աշտարակում էր: Համայնքի սուբվենցիոն ծրագրով 25 բնակավայրում իրականացվել են ասֆալտապատման աշխատանքներ՝ 22,4 կմ երկարությամբ:
Ծրագրի ընդհանուր արժեքը 2 մլրդ 142,5 մլն դրամ է, որից 749,8 մլն դրամը հատկացրել է կառավարությունը:
Աշտարակում այցելեցի նաև նոր կառուցված խաղադաշտ: Ընդհանուր առմամբ՝ սուբվենցիոն ծրագրով Աշտարակ և Բազմաղբյուր բնակավայրերում կառուցվել է 4 խաղադաշտ: Ծրագրի արժեքը 267,3 մլն դրամ է, որից 93,5 մլն դրամը հատկացրել է կառավարությունը»:
