Հասարակություն
47-ամյա տղամարդն իր կամքից անկախ կրակոցներ է արձակել ու վիրավորում ստացել
Երեկ երեկոյան կրակոցներ են հնչել Երևանի Մ. Ավետիսյան փողոցում։
Radar Armenia-ն ՆԳՆ ոստիկանությունից տեղեկացավ. «Հունիսի 24-ին, ժ․20։25, հիվանդանոցից հաղորդում է ստացվել, որ շտապօգնության խումբը Ա. Ավետիսյան փողոցի շենքերից մեկից «աջ սրունքի առաջնային մակերեսի գնդակային վիրավորում» ախտորոշմամբ իրենց մոտ բուժօգնության է տեղափոխել 1977թ. ծնված տղամարդու, որը վնասվածքը ստացել է տանը:
Մեկնած օպերատիվ-քննչական խմբին տանը գտնվող կինը հայտնել է, որ ժ․20։00 նշված բնակարանի ննջասենյակից կրակոցի ձայն է լսել․ պարզվել է, որ հիվանդանոց տեղափոխված տղամարդն, իր կամքից անկախ հանգամանքներում, հրազենից կրակոց է արձակել և ստացել մարմնական վնասվածք:
Հանցագործության գործիք հանդիսացող հրազենը հայտնաբերվել և առգրավվել է: Հաղորդումը և կազմված փաստաթղթերը փոխանցվել են քննչական բաժին»:
