Հասարակություն
Պետպատվերով այսուհետ կիրականացվի ևս մեկ սքրինինգային հետազոտություն
ՀՀ առողջապահության նախարարությունից հայտնում են. «Նորածինների շրջանում ևս մեկ հիվանդության վաղ ախտորոշման համար պետական պատվերով այսուհետ կիրականացվի սքրինինգային հետազոտություն:
Բնածին մակերիկամային հիպերպլազիայի կամ որ նույնն է` ադրենոգենիտալ համախտանիշի սքրինինգը թույլ կտա մինչև կլինիկական դրսևորումները հայտանաբերել հիվանդությունն ու կանխել դրա զագացումը` խուսափելով մահվան ելքերից առավելապես տղաների շրջանում:
Այս սքրինինգը աղջիկների մոտ թույլ կտա կանխարգելել հիպոնաթրիեմիան, որը, երկարաժամկետ կտրվածքով, հանգեցնում է մտավոր զարգացման հապաղման:
Բնածին, ժառանգական հիվանդությունների հնարավորինս վաղ ախտորոշման և ժամանակին բուժման ու բարդացումների կանխարգելման համար մեր երկրում պետության կողմից իրականացվում էր թվով 6 սքրինինգային ծրագիր, ԱԳՀ սքրինինգը` արդեն 7-րդն է»:
