Էկոնոմիկայի նախկին նախարար Վահան Քերոբյանի մեղադրանքը փոխվել է. այս մասին հայտնել են նրա փաստաբանները։
Վաչե Սիմոնյանը տեղեկացրել է, որ «վարույթ իրականացնող մարմինն այլևս չի համարում, որ պետությանը պատճառվել է վնաս, ի տարբերություն քննչական մարմնի տարածած նախնական պաթոսի»։ Ըստ նրա, նախորդ շաբաթ Քերոբյանի մեղադրանքը փոփոխվել է, և «պետությանը պատճառված հանրային վնաս» արտահայտությունը հանվել է մեղադրանքի ձևակերպումից։
Տիգրան Եգորյանի խոսքով՝ Քերոբյանի գործը փլուզվում է. «Վահան Քերոբյանն այն մարդը չէ, որ կգնար գործարքի և կզղջար մի բանի համար, որն իրականում չի արել»,- ասել է նա։
Հիշեցնենք, որ այս գործով անցնող 8 մեղադրյալից մի քանիսն ընդունել են մեղքը, գործուն զղջացել, ինչից հետո քրեական հետապնդումը դադարեցվել է։
