Կառավարության որոշմամբ ՊԵԿ-ին 583,5 մլն դրամ կհատկացվի «Chainalysis Reactor» ծրագիրը ձեռք բերելու համար։ Ըստ որոշման հիմնավորումների՝ սա տվյալների հարթակ է և էլեկտրոնային գործիք, որը կապ է հաստատում կրիպտոարժութային գործարքների և իրական աշխարհի սուբյեկտների միջև՝ արդյունքում հնարավորություն ընձեռելով ձեռք բերել համապատասխան տվյալներ և նույնականացնել տվյալ գործարքի իրական շահառուին։
Միևնույն ժամանակ, ծրագիրը հնարավորություն է տալիս ուսումնասիրել հանցավոր գործունեությունները, ինչպիսիք են գողացված միջոցների տեղաշարժերը, ինչպես նաև՝ օրինական գործունեությունները, օրինակ, արագ վարկերը և NFT փոխանցումները․ «Հաշվի առնելով կրիպտոարժութային գործարքների շուկայի զարգացումը՝ խիստ անհրաժեշտ է այդ ոլորտում հաստատել վերահսկողություն»,- նշված է որոշման հիմնավորումների մեջ։