Հասարակություն
Տեսչական մարմնի ղեկավար կազմը հետևել է սուբվենցիոն ծրագրերի իրականացման ընթացքին
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը, ՏՄ ղեկավարի տեղակալներ Սուրեն Մինասյանը և Արազ Պապիկյանը, Լոռու տարածքային բաժնի աշխատակիցները շրջայց են կատարել Լոռու մարզում։
Տեսչական մարմնի ղեկավար կազմը հետևել է մարզում իրականացվող մի շարք պետական և սուբվենցիոն ծրագրերի իրականացման ընթացքին։
Ուսումնասիրված բոլոր օբյեկտներում արձանագրվել են նախագծային փաստաթղթերին և իրականացված շինարարության անհամապատասխանություններ, ինչպես նաև շինարարության որակի հետ կապված խախտումներ։ Կառուցապատողներին տրվեց պարտադիր կատարման ցուցումներ՝ առկա և արձանագրված խնդիրները սեղմ ժամկետներում շտկելու և նախագծին համապատասխան իրականացնելու համար։
ՔՏՀԱՏՄ ղեկավարը տեղում հանձնարարականներ է տվել ՏՄ Լոռու տարածքային բաժնի մասնագետներին՝ ձեռնարկել համապատասխան միջոցներ՝ առկա թերություններն անհապաղ շտկելու ուղղությամբ։ Սուբվենցիոն ծրագրերի նկատմամբ վերահսկողությունը ՀՀ ողջ տարածքում կլինի շարունակական։
