Մարտի 31-ին՝ ժամը 13:30-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Դաշտադեմ գյուղի տներից մեկում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է գյուղի 1-ին փողոցի 3-րդ նրբանցքի ոչ բնակելի տներից մեկի տանիքում։ Հրդեհը մեկուսացվել է ժամը 14։18-ին, մարվել՝ 16։33-ին։ Այրվել են տան տանիքի (մոտ 80 քմ) փայտե կառուցատարրերը։
