ԱԱԾ հատուկջոկատայինները վնասազերծել են զինված քաղաքացուն։ Հատուկ գործողության ժամանակ ոչ ոք չի տուժել։
Այսպիսով, ոստիկանության բաժանմունք ներխուժած 3 քաղաքացիներից 1-ը ձերբակալված է, 2-ը գտնվում են բուժհաստատությունում։
ՀՀ ՆԳՆ խոսնակ Նարեկ Սարգսյանը նշել է, որ զինված անձանցից 2-ը բեկորային վնասվածք է ստացել իրենց իսկ գործադրած նռնակի հետևանքով։
«Մեկին վնասազերծեցին և տեղափոխեցին բաժին, իրականացվում են քննչական գործողություններ»,- նշել է նա։
