Այսօր անհայտ անձը կրակոցներ է արձակել Նոր Նորքի թաղապետարանի ուղղությամբ։
ՆԳՆ ոստիկանությունից Radar Armenia-ին հայտնեցին, որ ժամը 08։54 ահազանգ է ստացվել ոստիկանության Նոր Նորքի բաժին, որ թաղապետարանի հետնամասի 2-րդ հարկի պատուհանների վրա կրակել են։
«Այս պահին օպերատիվ խումբը դեպքի վայրում է։ Ահազանգով կազմված փաստաթղթերն ուղարկվել են քննչական կոմիտե»,- ասացին ՆԳՆ-ից։
Քննչական կոմիտեից էլ հայտնեցին, որ ստացվել է նման հաղորդում, նախաձեռնվել է քրեական վարույթ՝ քր․օր․ 297-րդ հոդվածի 3-րդ մասի հատկանիշներով. «Քննիչը դեպքի վայրում անհրաժեշտ գործողություններ է իրականացնում»։
Հայկ Մագոյան
