Փետրվարի 7-ին, ժամը 00։20-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արմավիր քաղաքի Սայաթ-Նովայի փողոցի թիվ 4 շենքի մոտակայքում գտնվող ավտոտնակում հրդեհ է բռնկվել:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրդեհը մեկուսացվել է ժամը 00:40-ին, մարվել՝ 01:14-ին:
Ավտոտնակում այրվել են «Jeep Renegade» մակնիշի ավտոմեքենան, կենցաղային իրեր և ջերմահարվել՝ ավտոտնակի թիթեղյա տանիքը (մոտ 30 քմ):
