ԱԺ «Հայաստան» խմբակցության պատգամավոր Լևոն Քոչարյանի գործով հայտարարվել է նախաքննության ավարտ։ Մեղադրանք է առաջադրվել նաև Սերգեյ Ասատուրովին, այս մասին հայտնում է փաստաբան Էրիկ Ալեքսանյանը։
«Լևոն Քոչարյանի գործով մեղադրանք առաջադրվեց նաև Սերգեյ Ասատուրովին։ Գործով հայտնվեց նախաքննության ավարտ և ուղարկվում է դատարան»,- Ֆեյսբուքի իր էջում գրել է փաստաբանը։
Լևոն Քոչարյանն, իր հերթին, գրառում է արել՝ տեղեկացնելով, որ գտնվում են Քննչական կոմիտեում։
Սերգեյ Ասատուրովը «Դիմադրություն» շարժման մասնակից է։ Ավելի վաղ պահեստազորի սպա Սերգեյ Ասատուրովն արդարացվել էր։ Նախաքննական մարմինն արձանագրել էր, որ նրա գործողություններում բացակայում է զանգվածային անկարգություններին մասնակցելու հանցակազմը:
Հիշեցնենք, որ Քոչարյանին մեղադրանք էր առաջադրվել ոստիկանների նկատմամբ բռնություն գործադրելու համար։
