Էկոնոմիկայի նախարար Վահան Քերոբյանը հայտարարել է, թե նախարարությանն առնչվող քրեական գործից հետո հրաժարական չի տա։
«Արհեստական բանականությունը բիզնեսի համար» խորագրով համաժողովի ժամանակ լրագրողի հարցին նա ժխտական պատասխան է տվել. «Ո՛չ»։
Նախարարը հավելել է, որ հավաքվել են «անհամեմատ ավելի կարևոր միջոցառման համար, քան այն մտացածին սկանդալը, որի մասին խոսում են»:
Հիշեցնենք՝ այդ քրեական գործով անցնում է նաև ՀՀ էկոնոմիկայի նախկին փոխնախարար Անի Իսպիրյանը, որը ձերբակալվել էր, իսկ այսօր դատարանի որոշմամբ նրա նկատմամբ խափանման միջոց է կիրառվել տնային կալանքը։
