Հասարակություն
Մի քանի ամսից Երևանում շահագործման կհանձնվեն նոր տեսակի շքեղ թաունհաուսներ (ԼՈՒՍԱՆԿԱՐՆԵՐ)
Քաղաքի աղմուկից հեռու, բայց միևնույն ժամանակ Երևանում ապրելու ցանկությունը ոմանց ծայրամասերի բնակիչ է դարձնում: Բնակելի տների պահանջարկն էլ նպաստում է շինարարությանը:
Ժամանակակից լուծումներով 9 թաունհաուսից բաղկացած թաղամաս կառուցվում է նաև Բագրևանդում: «Novem Residence»-ն առաջարկում է անհրաժեշտ բոլոր պայմանները հարմարավետ և շքեղ ապրելակերպը գնահատողների համար:
«Բոլոր տներն առաջին հարկում ունեն խոհանոց, սանհանգույց և հյուրասենյակ, երկրորդ հարկում նախատեսվում է երեք ննջասենյակ, որոնցից առնվազն մեկը՝ անհատական սանհանգույցով։ Բոլոր տներն ունեն անհատական կանաչապատ տարածքներ, ժամանցի համար նախատեսված ստորգետնյա հարկ, ինչպես նաև օգտագործելի հարթ տանիք»,- նշեց կառուցապատող «New City Projects» ընկերության տնօրեն Գեղամ Կիրակոսյանը։
«Novem Residence»-ի առանձնահատկություններից մեկը բակային տարածքի տակ տեղակայված ստորգետնյա ավտոկայանատեղին է, որն ավելի ապահով և հարմարավետ է դարձնում մեքենայի կայանումը։ 1-ին մասնաշենքի (1-5 տների) բնակիչները հնարավորություն ունեն նաև ավտոկայանատեղիից անմիջապես մուտք գործելու իրենց տուն։
«Շքեղ տեսքով և ոճային լուծումներով առանձնացող թաղամասն ունենալու է նաև պահակակետ, որը երաշխավորելու է բնակիչների շուրջօրյա անվտանգությունը։ Թաղամասում լինելու են նաև բացօթյա լողավազան և ընդհանուր կանաչապատ տարածք»,- ասաց Գեղամ Կիրակոսյանը։
«Novem Residence»-ը շահագործման կհանձնվի ընդամենը մի քանի ամսից: Այս պահին արդեն շատ քիչ թվով տներ են հասանելի: Դրանց ձեռքբերման համար առաջարկվում են շահավետ պայմաններ, այդ թվում՝ փուլային վճարման տարբերակ:
