ՀՀ առողջապահության նախարար Անահիտ Ավանեսյանը հայտարարել է, որ անպտղության հաղթահարման ծրագրի մեկնարկից մինչև նոյեմբերի 30-ը ծնվել է 368 երեխա, որից 54-ը` զոհված զինծառայողների ընտանիքներում:
«Երկու շեմ ենք փոխում՝ էԿՈ-ի համար 53 տարեկանը բարձրացնում ենք 55-ի և փոխնակ մոր համար 35-ը՝ 38-ի: Օրենսդրական նախաձեռնությունն ԱԺ-ում է»,- ասել է Անահիտ Ավանեսյանը։
Նշենք, որ վարչապետ Նիկոլ Փաշինյանն այցելել է Առողջապահության նախարարություն՝ գերատեսչության 2023թ. գործունեության հաշվետվությունը քննարկելու նպատակով:
