Հասարակություն
Հայկուհի Հարությունյանի հայտարարության առթիվ քրեական վարույթ է նախաձեռնվել
Կոռուպցիայի կանխարգելման հանձնաժողովի նախկին նախագահ Հայկուհի Հարությունյանի՝ օրերս ԱԺ-ում արած հայտարարությունների առթիվ հակակոռուպցիոն կոմիտեում քրեական վարույթ է նախաձեռնվել։ Այս մասին Radar Armenia-ն տեղեկացավ գլխավոր դատախազությունից։
«Քրեական օրենսգրքի 441-րդ հոդվածի 1-ին մասի հատկանիշներով հակակոռուպցիոն կոմիտեում նախաձեռնվել է քրեական վարույթ»,- հայտնեցին դատախազությունից։
Քր.օր․ 441 հոդվածը պատիժ է սահմանում պաշտոնատար անձի կողմից իշխանական կամ ծառայողական լիազորությունները չարաշահելու կամ լիազորություններն անցնելու համար։
Հիշեցնենք՝ դեկտեմբերի 6-ին կոռուպցիայի կանխարգելման հանձնաժողովի անդամի թեկնածու Հայկուհի Հարությունյանը հայտարարել էր, որ ԱԱԾ–ից զանգել են կոնկրետ սուբյեկտի վերաբերյալ տրված բարեվարքության եզրակացության առնչությամբ․ «Ասվել է, որ բացասական եզրակացությունն այն թեկնածուի մասով, որ ԱԺ-ում պիտի քվեարկվեր, անհանդուրժելի է․ դա ներկայացվել է որպես ազգային անվտանգության խնդիր»։
Հայկ Մագոյան
