Ֆինանսների փոխնախարար Վահան Սիրունյանը տեղեկացրել է, որ պետբյուջեի եկամուտներն այս տարվա 9 ամսվա արդյունքում կազմել են 1 տրլն 708 մլրդ դրամ, ինչը 2022-ի նույն ժամանակահատվածի նկատմամբ աճել է 13,8%–ով:
2023թ․ պետբյուջեի 9 ամսվա կատարման ընթացքի վերաբերյալ տեղեկանքի քննարկման ժամանակ նա նշել է, որ եկամուտների աճը պայմանավորված է հիմնականում բարձր տնտեսական աճի պայմաններում հարկային բազայի ընդլայնմամբ, նաև՝ հարկային վարչարարության ջանքերով․
«Պետբյուջեի եկամուտները գերակատարվել են: Եկամուտները 2023թ․ 9 ամսվա համար կազմել են 1 տրլն 708 մլրդ դրամ՝ 2022-ի նույն ժամանակահատվածի նկատմամբ աճելով 13,8%–ով: Ծախսերն 9 ամսվա համար փաստացի կազմել են 1 տրլն 633 մլրդ դրամ՝ նախորդ տարվա նույն ժամանակահատվածի նկատմամբ աճելով 12,7%–ով, իսկ կատարողականը կազմել է 84,6%»,-ասել է նա։
