Իրանական կողմը հույս է հայտնել, որ կկարողանան ավելի դյուրին դարձնել երկրներ մուտքի և ելքի գործընթացները

ՀՀ տարածքային կառավարման և ենթակառուցվածքների նախարարություmում տեղի է ունեցել հանդիպում Իրանի Իսլամական Հանրապետության զբոսաշրջության և ավտոմոբիլային ֆեդերացիայի գործադիր տնօրեն Մոհամմադ Հոսսեյն Սուֆիի գլխավորած պատվիրակության և ՀՀ ՏԿԵՆ ավտոմոբիլային տրանսպորտի քաղաքականության, լիցենզավորման և թույլտվությունների վարչության, ճանապարհային ոլորտի քաղաքականության վարչության պետերի և Հյուսիս-հարավ ճանապարհային միջանցքի ներդրումային ծրագրի Տրանշ-4 ծրագրի Սիսիան-Քաջարան հատվածի ղեկավարի միջև: 

Նախարարության ներկայացուցիչները ողջունել են հյուրերին և կարևորել Հայաստաանի և Իրանի միջև առկա բարեկամական և գործընկերային հարաբերությունները՝ հույս հայտնելով, որ այս հանդիպումը ևս կխթանի հարաբերություններն ավելի ամրապնդելուն և սերտացնելուն: 

ԻԻՀ զբոսաշրջության և ավտոմոբիլային ֆեդերացիայի գործադիր տնօրենը շնորհակալություն է հայտնել ընդունելության համար և շեշտել, որ այցի նպատակն է  քննարկել երկու երկրների միջև տրանսպորտային հաղորդակցությունը բարելավելու վերաբերյալ հարցեր: Հյուրերը ներկայացրել են իրենց մոտեցումները և հույս հայտնել, որ երկու երկրները, մի շարք միջազգային փաստաթղթեր վավերացնելով, կկարողանան ավելի դյուրին դարձնել երկրներ մուտքի և ելքի գործընթացները:

Խոսելով ճանապարհային ոլորտի մասին՝ նախարարության ներկայացուցիչները ներկայացրել են ոլորտում ՀՀ կառավարության առաջնահերթությունները, մանրամասն խոսել են Հյուսիս-հարավ ճանապարհային միջանցքի ներդրումային ծրագրի ռազմավարական կարևորության մասին: Հանդիպման ընթացքում քննարկվել են երկուստեք  կարևորություն ունեցող այլ հարցեր ևս:

Նմանատիպ նյութեր

Հաստատվել է արտադպրոցական ծրագրերի երաշխավորման կարգը

Այսօր, 16:37

ԿԳՄՍ նախարար հրամանով հաստատվել են արտադպրոցական կազմակերպությունների և կենտրոնների ներկայացրած արտադպրոցական ծրագրերի երաշխավորման կարգը, արտադպրոցական ծրագրի ձևաչափը և վերջնարդյունքները՝ ըստ սահմանված ուղղությունների: Հրամանն ուժի մեջ է մտնում 2024 թվականի մայիսի 1-ից:

Կենդանասերները դատախազության մոտ էին բերել Հրազդանում սատկացված շան մարմինը

Այսօր, 16:05

Մի խումբ կենդանասերներ այսօր բողոքի ակցիա են իրականացրել ՀՀ Գլխավոր դատախազության դիմաց։ Պատճառը երեկ Հրազդանում տեղի ունեցած շների սպանդն է. ըստ ոստիկանության սպանվել է 2 շուն, ևս մեկին վիրավորել էին։

Կիրանցի երեք բնակիչ տեղյակ չի եղել, որ համարվում է «Հայանտառի» աշխատակից ու աշխատավարձ ստանում

Այսօր, 15:50

ՆԳՆ ոստիկանության Իջևանի բաժնի համայնքային ոստիկանները օպերատիվ տեղեկություն էին ստացել, որ Իջևան համայնքի մի քանի բնակիչ 2022 թ․ ընթացքում, որպես սեզոնային բանվոր աշխատանքի ընդունվելով «Հայանտառ» ՊՈԱԿ «Սևքարի անտառտնտեսության» մասնաճյուղում, աշխատանքի չեն գնացել, սակայն ստացել են աշխատավարձ: