Երևանում հայտնաբերվել է թմրանյութեր պատրաստելու լաբորատորիա. կասկածյալները ՌԴ քաղաքացիներ են
Հասարակություն
20 Նոյեմբերի, 21:47
ՀՀ ՆԳՆ ոստիկանությունը Երևանում իրականացրել են օպերացիա: Ինչպես հայտնում է Shamshyan.com-ը, ոստիկանության Մարաշի բաժանմունքի քրեական հետախուզության խմբում օպերատիվ տեղեկություններ էին ստացվել, որ Երևանում գտնվող Ռուսաստանի Դաշնության 2 քաղաքացի զբաղվում է թմրանյութերի, հոգեմետ նյութերի, պատրաստման, ապօրինի շրջանառության, ապօրինի իրացնելու գործով:
Ոստիկանության Կենտրոնական բաժնի քրեական հետախուզության բաժանմունքի և ոստիկանության Մարաշի բաժանմունքի քրեական հետախուզության խմբի ծառայողներն օպերատիվ տվյալներով պարզել են, որ նշված անձինք գտնվում են Մյասնիկյան պողոտայի տներից մեկում և հաշված րոպեների ընթացքում ժամանել են նշված տուն, այնտեղ հայտնաբերել են ՌԴ քաղաքացիներ 29-ամյա Միխայիլ Միլոշկինին և 29-ամյա Միխայիլ Գլադկիխինին:
Հյուրասենյակի նկատելի հատվածում հայտնաբերել են թմրամիջոցի նմանվող զանգվածներ և դրանց պատրաստման համար նախատեսված սարքավորումներ: Նշված անձինք կասկածանքով տեղափոխվել են ոստիկանության Կենտրոնական բաժին, դեպքի փաստով նախաձեռնվել է քրեական վարույթ:
Զննություն է կատարվել նշված տանը, որտեղ հայտնաբերվել են 12.28 գրամ, 18.62 գրամ, 12.38 գրամ, 12.50 գրամ, 12.68 գրամ, 12.74 գրամ, 13.31 գրամ քաշերով թվով 7 հատ «մարիխուանա» տեսակի թմրամիջոցի նմանվող կանաչավուն զանգված, 2 հատ կանեփի թուփ, 1 հատ տարա՝ լցված «մարիխուանա» տեսակի թմրամիջոցի նմանվող զանգվածով, ընդհանուր 5.06 գրամ քաշով: Քննիչի որոշմամբ նշանակվել է դատաքիմիական փորձաքննություն:
