ՄԱԿ ներկայացուցիչները ցանկություն են հայտնել Ընտրական օրենսգրքի փոփոխություններին ծանոթանալ գրավոր ընթացակարգով

Հասարակություն

20 Նոյեմբերի, 17:29

Կենտրոնական ընտրական հանձնաժողովը նոյեմբերի 20-ին հյուրընկալել է ՄԱԿ Ճշմարտության, արդարության, հատուցման և չկրկնվելու երաշխիքների խթանման հարցերով հատուկ զեկուցող Ֆաբիան Սալվիոլիին եւ ՄԱԿ-ի Մարդու իրավունքների գերագույն հանձնակատարի գրասենյակի Հատուկ ընթացակարգերի բաժնի մարդու իրավունքների պատասխանատու Բրենդա Վուկովիչին:

ԿԸՀ նախագահ Վահագն Հովակիմյանը ողջունելով հյուրերին ներկայացրել է ԿԸՀ հիմնական գործունեության մանրամասները, կառույցի ինստիտուցիոնալ հիշողությունը։ Անդրադարձ է արվել վերջին տարիներին իրականացված օրենսդրական փոփոխություններին։

ԿԸՀ նախագահը խոսել է դեռևս նախորդ տարվանից շահագրգիռ բոլոր կողմերի հետ քննարկված Ընտրական օրենսգրքի փոփոխությունների փաթեթի վերաբերյալ, որն արժանացել է Վենետիկի հանձնաժողովի հավանությանը, և այժմ գործադիրի քննարկման տիրույթում է։

ԿԸՀ նախագահի խոսքով՝ իր ղեկավարած կառույցի գլխավոր առաքելությունն է անվիճարկելի ընտրությունների կայացումը, ինչպիսին էր այս տարվա սեպտեմբերի 17-ին կայացած Երևանի ավագանու ընտրությունները։

Հյուրերը ցանկություն են հայտնել Ընտրական օրենսգրքի նախագծով առաջարկվող առանցքային փոփոխություններին ծանոթանալ գրավոր ընթացակարգով։

Հետևեք մեզ Telegram-ում

Նմանատիպ նյութեր

Եվրոպայի խորհուրդը կշարունակի աջակցել հարկադիր կատարման համակարգի բարեփոխումներին

Այսօր, 17:23

Արդարադատության նախարարի տեղակալ Լևոն Բալյանը մասնակցել է «Աջակցություն Հայաստանում Մարդու իրավունքների եվրոպական դատարանի վճիռների արդյունավետ կատարմանը» ծրագրի շրջանակներում տեղի ունեցած Համակարգող խորհրդի նիստին և շնորհակալություն է հայտնել համագործակցության ու ցուցաբերած աջակցության համար:

«Կարևոր է, որ Հայաստանի տնտեսությունը վնաս չկրի երկրորդային պատժամիջոցների հետևանքով». Քերոբյան

Այսօր, 17:09

Էկոնոմիկայի նախարար Վահան Քերոբյանը հայտարարել է, թե Հայաստանը զերծ է մնում ՌԴ-Ուկրաինա կոնֆլիկտի պատժամիջոցներից․

Արթիկում որդին ծեծի է ենթարկել ու սպանել հորը

Այսօր, 17:00

Նոյեմբերի 26-ին ՆԳՆ ոստիկանության Շիրակի մարզի օպերատիվ կառավարման կենտրոն հաղորդում էր ստացվել, որ ժամը 11.30-ի սահմաններում Արթիկ քաղաքի Չարենցի փողոցի մի տնից «պոլիտրավմա, ԳՈՒՏ, տրավմատիկ շոկ» ախտորոշմամբ «Գյումրի» բժշկական կենտրոն է տեղափոխվել 70-ամյա տղամարդ: Ըստ բժշկի տեղեկանքի՝ նա ի վիճակի չէ բացատրություն տալու: