Երևանում կգործի ամբողջովին ավտոմատացված ավտոլվացման առաջին համալիրը
Հասարակություն
17 Նոյեմբերի, 21:26
Նախարար Վահան Քերոբյանը նոյեմբերի 17-ին այցելել է Հայաստանում հոսքագծային, ամբողջովին ավտոմատացված ավտոլվացման առաջին համալիր, որը կառուցվել է «Վ-Սանկ» ՍՊԸ-ի, Wash Club-ի և ավտոլվացման ոլորտում աշխարհում բացարձակ առաջատար գերմանական WashTec ընկերության հետ համագործակցությամբ։
Կառուցված կայանի էկոլոգիական լուծումները, առաջարկվող ծառայության արագությունը, որակը և արտադրողականությունը բացառիկ են ոչ միայն Հայաստանի, այլև ԱՊՀ երկրների համար: Նախնական պլանավորմամբ, ըստ պահանջարկի, առաջիկայում նախատեսվում է Երևանում կառուցել 8-ից 10, իսկ խոշոր քաղաքներում թվով 3-ից 5 ժամանակակից ավտոլվացման կայաններ։
Իրականացվող ներդրումային ծրագրի նախահաշվային արժեքը կազմում է 14 մլն ԱՄՆ դոլար, որից շուրջ 4,5 մլն ԱՄՆ դոլարն արդեն ներդրվել է ավտոլվացման կայանների համար հոսքագծային սարքավորումների ձեռքբերման և առաջին կայանի կառուցման համար։
